BR LA UNION – Pinalubosan ti International Criminal Court (ICC) iti kadawatan ti kampo ni sigud a Presidente Rodrigo Duterte ken iti prosekusyon nga agnayon ti baro nga ebidensiya a mausar iti panagdengngeg.
Iti uppat a pinanid a desisyon ti ICC Pre-Trial Chamber 1 a napetsaan ti Pebrero 10 ket binilin ti ICC Pre-Trial Chamber 1 iti depensa ken prosecution a mangidatag ti baro nga ebidensiya agingga inton biat, Pebrero 13, 2026.
Immuna a kiniddaw ti legal team ti sigud a presidente manipud ICC nga agnayon ti 78 a baro nga ebidensiya a mairaman iti confirmation of charges.
Saan met a kinontra daytoy ti prosecution isunga pinalubosan ti ICC.
Bayat a ti prosecution ket kiniddaw na met iti chamber nga agnayon ti dua a baro nga ebidensiya, banag a saan met a tinubngar ti kampo ti depensa.
Ti nasao a pammilin ket nairuar, sumagmamano nga aldaw sakbay a maisayangkat ti confirmation of charges kontra iti sigud a prresidente ti pagilian, manipud Pebrero 23 agingga 27.
Maipalagip a nakaditine iti facility center ti ICC iti 80-anyos a ni Duterte gaputi crime against humanity nga adda pakainaiganna iti anti drug operations idi isuna ti mayor idiay Davao City ken presidente ti Pilipinas.
