Inlawlawag ni sigud a presidential legal counsel a ni Atty. Salvador Panelo a nagturong isuna idiay The Hague tapno suportaran ni sigud a Presidente Rodrigo Duterte, ken saan a kas miembro ti defense team iti International Criminal Court (ICC).
Segun kenni Panelo, ibilang na a gayyem ti sigud a Presidente isu a kayat na nga ikkan daytoy ti moral support sakbay iti panagdingeg ti korte iti kumpirmasion dagiti kaso.
Immuna a nagbiahe isuna agturong idiay The Hague kadua dagiti dadduma a supporter nga awanan ti koordinasion kas paset ti maysa a defense group.
Karaman iti all-Filipino legal team ni Duterte a nasaripatpatan iti confirmation hearings da Atty. Salvador Medialdea, Martin Delgra III, Silvestre Bello III, Alfredo Lim Jr., ken Caesar Dulay.
Nupay tinagiragsak na iti pannakabukel ti defense team, impaganetget ni Panela nga awan pay ti opisial nga akem daytoy.
Inalawlawag na pay a saan na a nakatrabaho wenno nakasarita iti lead counsel a ni Atty. Nicholas Kaufman mainaig iti kaso ti sigud a Presidente.###
