Pinabasol ti lead counsel ni sigud a Presidente Rodrigo Duterte a ni Atty. Nicholas Kaufman iti media gapu iti maipagarup a biddut a panangiparang iti kampanya kontra ilegal droga ti Duterte administration.
Inaramid ni Kaufman iti waragawag iti opening statementna iti confirmation of charges hearing ti sigud a Presidente iti International Criminal Court (ICC) idi kalman idiay The Hague, Netherlands.
Impaganetgetna a naynayunan ti media iti damag maipapan iti kampanya ken saan nga iparparang dagiti napasamak iti umno a konteksto.
Inakusaranna pay iti media ti panagusar dagiti ladawan manipud iti drug war para iti shock value ken tapno papigsaen iti bukodda nga istorya.
Ngem, impaganetget dagiti prosecutors iti korte a ni Duterte ket “pivotal” wenno addaan ti dakkel nga akem kadagiti panagpatay a konektado iti kampanya kontra illegal a droga ken pinaregta iti ICC a palubusan iti kaso a maituloy iti panagusig.
Addaan dagiti ICC judges ti 60 nga aldaw tapno agdesision no umdas iti ebidensya tapno ituloy iti kaso iti korte.###
