Nakasagana a mangisayangkat ti imbestigasyon ti gobierno ti agdama nga administrasyon kadagiti pammapatay nga adda pakainaiganna ti ilegal a droga iti sidong ti liderato ni Presidente Ferdinand Marcos Junior.
Segun kenni Palace Press Officer Undersecretary Claire Castro, seryoso iti presidente a saan nga agbalin a nadara ti kampanya na kontra ilegal a droga ken innayon nga apaman adda dagiti mapasamak a pinnatay ket dagos da a mangiyuswat ti imbestigasyon.
Maipalagip a kinuna iti Atty. Nicholas Kaufman, legal counsel ni sigud a Presidente Rodrigo Roa Duterte a nasken ket maimbestigaran met ni Presidente Marcos agsipud ta agingga ita ket adda latta dagiti matmatay iti panangparmek ti gobierno ti ilegal a droga.
