LA UNION – Nakemmeg dagiti tallo a suspected drug personalities iti nagsina a buy-bust operation idiay Agoo ken Luna, La Union idi Pebrero 4-5, 2026.
Inarestar ti Agoo Police Station ti maysa nga street-level pusher kalpasan ti maipagarup a panangilakona ti maysa a gramo ti mapapati a shabu iti maysa a police officer a nagpammarang kas poseur buyer idiay Barangay San Juan.
Bayat nga idiay Luna ket nataliw met dagiti dua nga street-level pusher idiay Barangay Nalvo Norte, ken nakumpiskar kadakuada ti pakabuklan nga innem a gramo ti mapapati a shabu nga addaan ti standard drug price a ₱40,800.
Dagiti natiliw nga indibidual ket agpapada a lallaki, adda iti umno nga edad, ken residente ti Barangay San Juan, Agoo, ken Brgy. Magallanes, Luna.
Iti agdama, adda dagiti suspek iti kustodiya ti Agoo MPS ken LUNA MPS ken sangwen iti kaso para iti panaglabsing ti Republic Act No.9165 wenno am-ammo kas Comprehensive Dangerous Drugs Act of 2002.###
