BR LA UNION – Arestado dagiti walo nga indibidual gaputi iligal a panagay-ayam ti sugal wenno illegal gambling.
Inarestar dagiti otoridad dagiti walo iti naisayangkat a nagsina nga Anti-Illegal Gambling Operation iti Barangay Catbangen ditoy siyudad ti San Fernando ken idiay Barangay Camiling, Balaoan La Union idi Marso 15, 2026.
Manipud iti nasao a bilang, uppat iti senior citizens nga agtawen ti 60, 66, 70, ken 73-anyos bayat a dagiti uppat met ket adda iti legal age, kaadwan ket awanan trabaho bayat a ti dadduma ket tricycle driver, construction worker, ken mannalon.
Dagiti naarestar ditoy siyudad ket natiliwan nga agay-ay-ayam ti Tong-its, nakumpiskar ti inusar da a braha ken bet money nga umabot ti P580.00
Dagiti met lima a natiliw idiay Balaoan ket naduktalan nga agay-ay-ayam ti “bet game” ken nakumpiskar kadakuada ti playing cards ken bet money a P425.00
Agpapada dagitoy a naiturong iti police station ken naiyisuwan ti citation ticket gaputi kaso nga illegal gambling.
Nawaya-wayaan met laeng dagitoy kalpasan a nagbayad da ti naipataw a multa.
