Maibilang itan nga all-time high ti presyo iti langis ditoy Pilipinas kalpasan ti maikadua a paset ti bigtime oil price hike ita a lawas.
Segun kenni Department of Energy (DOE) Secretary Sharon Garin, nailista ti dua a nagsaruno a kangatoan a panagngato ti presyo dagiti produkto ti petrolyo iti pakasaritaan ti pagilian.
Posible a nangatngato pay ti presyo ti langis kadagiti lugar nga adayo ti National Capital Region, partikular kadagiti agkasapulan ti panagbiahe tapno laeng maipatulod ti petrolyo.
Nagbalin nga epektibo idi Marso 10 ti umuna a bigtime price hike, sumagmamano nga aldaw kagiddan ti gyera idiay Middle East a nakairamanan dagiti nagduduma a pagilian.
Ita met nga aldaw ti Martes, Marso 17, impatungpalen dagiti kompanya ti langis ti maikadua a paset ti panagngato na.
Dumanonen ti aganay P50 ti agdama a nagngatoan ti presyo iti diesel, nasurok P42 para ti kerosene, bayat a nasurok P25 met para ti gasolina.
