BR LA UNION – Nagdesisyon ni Vice President Sara Duterte a saan a dumar-ay iti panagdengngeg ti House Committee on Justice seknan ti sangsangwenna nga impeachment.
Kinumpirma ti maysa kadagiti abogado na a ni Atty. Michael Poa a saan a dumar-ay ti Bise Presidente iti nasao a panagdengngeg a nakatuding ita nga aldaw ti Miyerkules, Marso 25.
Daytoy ti umuna a panagdengngeg ti impeachment complaints iti Bise President nga immuna a napaneknekan a sufficient in form, substance ken sufficient in grounds.
Maipalagip nga idi Marso 16, nagsumite iti kampo ti Bise Presidente iti sungbat da iti impeachment complaints kalpasan a nakitaan ti sufficient in substance idi Marso 4.
Ipab-pabasura ti kampo ti Bise Presidente iti kaso, agsipudta dagiti alegasyon ket maipagarop a saan nga impeachable offenses.
