Kinuna ti historiador a ni Red Constantino nga awanen ti namnamaen pay a bannuar a kas ida Andres Bonifacio wenno dagiti soldado a gerila a limmaban kadagiti mannakop, tapno labanan met ti baro a karit ti Pilipinas.
Iti naangay a Pandesal Forum sadiay Quezon City ket impaganetget na a ti kinabannuar ket adda iti sidong ima ti agdama nga henerasyon ken maipakita babaen iti nainkalintegan a panagbiag ken ti panangisakit iti pada a tao.
Inyunay-unay na pay ti kinapateg ti panangipeksa iti boses ti ordinaryo nga umili kontra korapsyon, gapo paylaeng kadagiti buntuon nga ebidensya.
Segun met iti maysa pay a personalidad, awan iti pagbanagan ti Pilipinas nu sumali daitoy iti gubat. Naipakdaar met a natural nga umasideg ditoy Asya ti gyera, nu sadinno ket saan a nakasagana ti pagilian ket agtungpal manen daitoy iti kabaroan a karit a kas ti napadasan idi dagiti nabirngasan kas “comfort women.”
