Imbilin ni Tanzanian President Samia Suluhu Hassan a dagiti opisyales ti gobierno ket aggigiddanen nga agbiahe ti maysa a bus para ti official travels da nu kasta ket makasalimetmet iti panagkonsumo ti gasolina, gapo paylaeng iti gyera.
Segun iti energy regulator ket nagtriple iti presyo ti gasolina manipud idi bulan ti Marso.
Masansan ket dumanon ti 30 a lugan ti entourage ti presidente ti nasao a pagilian, pakairamananen dagiti SUVs ken police outriders, a mangpapataud pay ti trapiko.
Ti kinakurang ti lana ket konektado latta iti panangiserra ti Iran iti Strait of Hormuz, a pagdaldalyastan ti agingga 20% a supply ti intero a lubong.
Sumagmamano metten a pagilian a kas ti Ethiopia ti nangipatungpal iti panangi-prayoridad ti gasolina para kadagiti napapated a transaksyon ken pampublikong transportasyon.
