BR LA UNION – Tinakderan ni President Ferdinand Marcos Jr a pagawiden na ni sigud nga Ako Bicol partylist Representative Zaldy Co kalpasan a naipasidong iti kustodiya ti Czech Republic.
Binilin metten ti Presidente iti Department of Justice (DOJ) ken Department of Foreign Affairs (DFA) nga idaulwan iti proseso para iti pannakapa-awid ti sigud a mammanday linteg.
Siniguro ti Presidente nga agsungbat ti sigud a mammanday linteg kadagiti kaso a sangsangwenna.
Agpatulod ti Pilipinas ti high level coordination team tapno maipatungpal ti proseso.
Kabilang ti sigud a mammanday linteg kadagiti 16 a dadduma pay a nakaswan ti graft and malversation nga adda pakainaigan na iti P289 milyon flood control project idiay Naujan, Oriental Mindoro.
