Inwaragawag ti Department of Energy (DOE) a posible ti panagngato ti presyo dagiti produkto a petrolyo inton sumaruno a lawas, kasaruno ti panagkapsot iti Piso kontra Dolyar.
Kinuna ni DOE Secretary Sharon Garin a ti global oil trading trends ket mangipakpakita iti upward adjustment, uray nu bassit paylaeng a datos.
Maibasar ti dua nga aldaw a trading ti Mean of Platts Singapore (MOPS), ngumato ti diesel manipud P1 agingga P3 iti kada litro, iti met gasolina ken ngumati manipud P1 agingga P2 ti kada litro.
Segun iti ahensya, agtultuloy ti monitoring da ti panaggaraw ti sangalubongan a langis ken iyur-uray ti maudi a resulta ti trading sakbay iti kumpirmasyon ti eksakto nga adjustments.
Kadawyan a nga iwarwaragawag dagiti kompanya ti langis ti panagbalbaliw ti presyo kada aldaw ti Lunes bayat a Martes met iti implementasyon na.
