BR LA UNION – Arestado dagiti tallo a drug suspect kalpasan ti naisayangkat nga illegal drug buy-bust operation idiay Brgy. Sevilla, San Fernando City, La Union.
Indauluan ti City of San Fernando Police Station, iti pannakitinnulong ti PDEA RO1 ken dadduma pay a police unit ti nasao nga operasyon.
Maibasar iti report, dagiti suspek ket 35-anyos, 40-anyos, ken maysa a 23-años agpapada a residente ditoy siyudad ti San Fernando.
Nakumpiskar iti mapapati a shabu nga addaan ti mapattapatta a balor a Php 6,800.00, heat-sealed transparent plastic sachet, cellular phone, kutsilyo, buy-bust money, ken dadduma pay a drug paraphernalia.
Dagus a naaramid ti imbentaryo ken panangmarka kadagiti ebidensia nairekord ti Entero nga operasyon babaen ti Body Worn Camera
(BWC)
Naipasidong dagiti suspek iti medico-legal examination sakbay a naiturong iti police station para iti dokumentasyon ken pannakaipila ti kaso a panaglabsing iti Comprehensive Dangerous Drugs Act of 2002.
