Inbaga ti Malakanyang nga awan pay ti makumpirmada nga impormasion mainaig ti maipagarup a plano a destabilisasion kontra iti gobierno inton Hunyo 12, 2026, kagiddan ti panagrambak ti Independence Day.
Segun kenni Palace Press Officer Usec. Claire Castro, saanen a baro dagitoy a report gapu ta nabayagen dagiti grupo a manggangandat nga ipatugaw iti bukod da a lider iti bileg sakbay pay ti 2028 elections.
Nagballaag met ni Castro iti publiko nga agannad ken agbalin a nasipot kontra kadagiti inawagan na a “kampon ng kadiliman” a maipagarup a mabalin nga agiwaras ti riribuk.
Inpaganetget ti opisial nga adda iti mandato da dagiti law enforcement agency ken investigating bodies iti panagammiris ken panangipatungpal ti katupag nga aksion kontra iti aniaman nga iligal nga aramid a mangipangpangta iti seguridad ti pagilian.###
