Alas-dos itay parbangon, nagbalinen a Tropical Depression wenno bagyo iti sigud a Low Pressure Area (LPA 06b) iti ruar ti Philippine Area of Responsibility (PAR).
Maibasar iti Tropical Cyclone Advisory nga inruar ti Philippine Atmospheric, Geophysical and Astronomical Services Administration (PAGASA) itay alas-singko ti bigat, naudi a nasaripatpatan iti sentro ti bagyo iti kaadayo a 2,085 km Daya ti Eastern Visayas ken adda iti ruar ti Philippine Area of Responsibility (PAR)
Agdama a kabuyogna iti angin a 55 km/h asideg ti sentro, kapegges nga agingga 50 km/h, ken central pressure nga 1004 hPa.
Dupdupagen na iti agpalaud a direksion iti kapaspas a 15 km/h.
Manamnama a sumrek daytoy iti PAR inton rabii no bigat, Hunyo 20 wenno inton bigat ti Dominggo, ken mapanaganan a bagyo Francisco.
Posible a pumigsa iti bagyo ken agbalin a tropical storm inton malem wenno inton rabii, ken agtultuloy a pumigsa ken mabalin a madanon iti typhoon category inton Dominggo.
Nababa iti tyansa daytoy nga aglandfall iti pagilian gapu iti kaadayo na iti kadagaan, nupay kasta saan nga inikkat ti state weather bureau iti posibilidad a maipasidong ti Wind Signal No. 1 dagiti makindaya a paset ti Northern Luzon.
Saan met a direkta a makaapektar iti bagyo iti paniempo ken kasasaad ti taaw iti sumaruno a tallo nga aldaw. Nupay kasta, posible a tignayen daytoy iti panagsubli ti Southwest Monsoon wenno Habagat iti pagilian inton Dominggo.
Base kadagitoy a developments, mabalakadan iti publiko ken dagiti maseknan a disaster risk reduction and management offices nga agtultuloy nga agbantay kadagiti updates manaig iti nasao a cyclone.
Kabayatanna, makapadas ti apagapaman agingga nalulem a tangatang ken mapatto-pattok a panagarbis wenno panagguruos dagiti lugar idiay Metro Manila, Visayas, Central Luzon, CALABARZON, MIMAROPA, ken Bicol Region gapu ti agraraira nga Esterlies.
Iti kapada a paniempo iti igubuay ti Localized Thunderstorms iti nabatbati a paset ti pagilian.
SUNRISE: 5:19 AM
SUNSET: 5:58 PM
