BR LA UNION – Impaganetget ni Senador Christopher “Bong” Go nga awan ti linabsing na a linteg ken intalekna iti Diyos ti amin, kasaruno iti report nga addan ti inruar ti International Criminal Court nga warrant of arrest kontra kenkuana.
Segun kenni Go, kaatnuman ket saan a nagbalin a paset ti mandato na dagiti isyu nga adda pakainaiganna iti pulisiya.
Rimwar ti nasao nga isyu kalpasan nga imbaga ni Davao City First District Representative Paolo “Pulong” Duterte nga adda impormasyon a naawat na nga inruaren ti ICC arrest warrant kontra kenni Go ken dua pay a sigud nga opisyal ti pulisya.
Nupay kasyta, imbaga ti Department of the Interior and Local Government nga awan pay ti naawat da a pormal nga abiso seknan daytoy.
Ni Go ken sigud a PNP Chief senador Ronald Dela Rosa ket kabilang kadagiti opisyal a ninaganan ti ICC nga adda sungsungbatan da kadagiti napasamak a krimen kontra iti sangkatawan (crimes against humanity) gaputi war on drugs ni sigud a presidente Rodrigo Duterte.
