Papigsaen ti gobierno dagiti programa kontra iti stunting kadagiti ubbing a Pilipino kalpasan a ngimmato ti kaso daytoy iti 25.3% idi 2025 manipud iti 23.6% idi 2023, maibasar iti report ti DOST-Food and Nutrition Research Institute.
Segun kenni Palace Press Officer Undersecretary Claire Castro, ipangpangruna ni Presidente Ferdinand Marcos Jr. iti laban kontra stunting isu nga inbilin na iti pannakaibangon dagiti child development ken daycare centers iti intero a pagilian.
Nangilatang pay iti gobierno ti ₱25.6 billion para iti 2026-2027 School-Based Feeding Program ti Department of Education (DepEd), bayat a pinaatiddog iti feeding program manipud 120 agingga 200 nga aldaw tapno makaipaay ti nasustansia a taraon para ti 4.63 milion nga estudiante.
Kagiddan ditoy, agtultuloy met ti Walang Gutom Program ken Supplemental Feeding Program ti Department of Social Welfare and Development (DSWD) nga addaan ti target a mabenepisiaran ti 1.8 million nga ubbing kadagiti child development centers ken supervised neighborhood play.###
