Pormal nga inyusuat ti Gobierno Probinsial ti La Union iti proyekto para iti panangparang-ay ti Bungol Demo Farm kas farm tourism site babaen ti groundbreaking ceremony a naangay idi Hunyo 25, 2026 idiay Brgy. Bungol, Balaoan.
Nangitukon iti gobierno ti nasurok ₱19.9 million manipud ti Republic Act 7171 para iti panangipatakder ti Farmers and Fisherfolk Center, Small Farm Reservoir, Farm Machinery Library, ken Perimeter Fence. Idauluan ti Provincial Engineering Office iti implementasion kadua iti Office of the Provincial Agriculturist.
Personal met nga indauluan ni Governor Mario Eduardo C. Ortega iti groundbreaking kadua dagiti sumagmamano nga opisial ti probinsia. Segun ti gobernador, panggep ti proyekto a papigsaen iti sektor ti agrikultura babaen ti panangipaay ti ad-ado nga oportunidad kadagiti mannalon ken mangngalap ken panangitandudo ti inklusibo a panagdur-as ti ekonomiya.
Maitunos iti Provincial Ordinance No. 127-2018, maipasdek iti Bungol Demo Farm kas specialized Farm School nga agserbi a sentro ti agricultural learning, technology transfer, ken community-based tourism. Manamnama a mapagnumaran dagiti pasilidad para iti panagsanay, panagusar ti kabaruan nga alikamen pang-agrikultura, ken panangpalawa ti kabaruan a wagas iti panagtalon.
Dimmar-ay met iti seremonya dagiti nangibagi ti Department of Agriculture, lokal a gobierno, partner agencies, ken dagiti stakeholder manipud iti sektor ti agrikultura kas suporta iti programa ti probinsia.###
