BR LA UNION – Agarop alas 2:00 itay parbangon, Hulyo 1, 2026 nabukel a bagyo ti low pressure area ket maawagan daytoy kas bagyo #Henry.
Iti kauddian a weather bulletin ti PAGASA, naudi a nasaripatpatan iti sentro ti Tropical Depression HENRYiti kaadayu a 115 km laud abagatan-a-laud ti Abucay, Bataan.
Kabuyog na ti angin a 45 km/h asideg iti sentro ken kapegges a dumanon iti 55 km/h.
Dup-duoagenna iti amianan-a-palaud iti kapartak a 25 km/h
Nakabayog ti Tropical Cyclone Wind Signal No.1 idiay:
Luzon:
- Southwestern portion ti Zambales (San Antonio, Castillejos, Subic, Olongapo City),
- Western portion ti Bataan (Morong, Bagac, Mariveles),
- Lubang Islands
Maibasar iti forecast track, ti bagyo Henry ket namnamaen a pumigsa bayat ti panagballasiw na idiay West Philippine Sea ket dumanon iti tropical storm category, agsapa inton bigat (July 2).
Agtalinaed kas tropical storm agingga iti pakabuklan a forecast period.
Nu agtultuloy ti direksiyon na a laud amianan-a-palaud, umad-adayu daytoy iti kadagaan (landmass) ti Pilipinas agingga a rumwar iti Philippine Area of Responsibility (PAR) inton bigat, (July 2).
