Nasurok nga 140 student leaders, mannursuro, ken facilitators manipud iti pito a secondary schools idiay Luna iti nakipaset iti Youth Anti-Drug Ambassador’s Forum: Sabayang Pagbigkas nga addaan ti tema a “Tinig ng Kabataan Laban sa Ilegal na Droga” iti Luna Sports Center idi Hunyo 30, 2026.
Ti aktibidad ket inorganisar ti Municipal Anti-Drug Abuse Council (MADAC) kadua ti Local Youth Development Office (LYDO) ken Sangguniang Kabataan (SK) Federation of Luna tapno papigsaen iti pannakaammo ken adbokasiya ti agtutubo kontra iti ilegal a droga babaen ti edukasion, leadership development, ken creative expression.
Nangipaay ti panakaammo isuda Marivel P. Camacho, Investigation Agent I ng Philippine Drug Enforcement Agency (PDEA); Dr. Jayson Joseph Anglo, Medical Officer IV ti Department of Health Treatment and Rehabilitation Center (DOH-TRC) La Union; ken Vilgladys M. Maglaya, LGOO V ti Department of the Interior and Local Government (DILG) La Union.
Tampok met iti programa ti Sabayang Pagbigkas Competition no sadino kampeon ti Rimos National High School, sinaruno ti Luna National High School kas first runner-up ken Bungro-Sucoc Integrated School kas second runner-up.
Segun ti Lokal a Gobierno ti Luna iti panangidaulo ni Mayor Gary N. Pinzon, Chairperson ti Municipal Anti-Drug Abuse Council, paset iti aktibidad iti agtultuloy a panangipatungpal ti Buhay Ingatan, Droga’y Ayawan (BIDA) Program tapno maallukoy dagiti agtutubo nga agbalin a kadua iti kampanya kontra iti ilegal a droga.###
