Nangisubmitiren dagiti prosecutors ti International Criminal Court wenno ICC iti temporario a listaan dagiti testigo a maipasango kontra kenni Presidente Rodrigo Duterte kadagiti kaso na a crimes against humanity.
Nangusar da kadagiti ‘aliases’ tapno masalakniban dagiti identidad dagiti testigo ken manamnama a manayunan pay dagiti nagan sakbay a maisubmitir iti pinal a listaan inton Agosto 31.
Segun iti ICC, mapatta-patta a dumanon ti 60 agingga 70 a testigo dagiti maipasango, karamanen dagiti insider witnesses, crime-base witnesses, ken dagiti mangipaay ti konteksto iti kaso.
Sumangsango ni Duterte kadagiti ‘three counts of crimes against humanity’ seknan ti panagpatay kadagiti 78 a tattao babaen ti kampanya kontra droga iti administrasyon na.
Nakatuding iti pormal a panagusig inton Nobiembre 30, 2026 ken maur-uray iti personal a panagdar-ay na. Maipalagip a nagnaed isunan idiay ICC detention facility manipud iti pannakaarestar na idi Marso 2025.
