BR LA UNION – Nagsuspinde pay laeng ti klase ita nga aldaw ti Biyernes, Agosto 7, dagiti 19 a munisipiyo ditoy La Union, gapwanan ti dakes a panawen.
Gapu iti inclement weather ken agtultuloy nga epekto ti napapigsa a Southwest Monsoon wenno habagat, napawaywayan ti pannaka-suspendi iti klase ti amin a tukad, iti agpada a public ken private schools ditoy La Union.
Nairanta pay ti panangideklara ti class suspension dagiti lokal a gobyerno tapno ipaayan ti gundaway iti recovery efforts ken masiguro ti kinatalged ti amin.
Dagiti local gov’t. unit a nasapa a nagdeklara ti suspensiyon ti klase para ita nga aldaw ket dagiti sumaganad: Luna, San Juan, San Gabriel, Balaoan, Sudipen, Naguilian, Bacnotan, Bagulin, Caba, Santol, Agoo, Bangar, Burgos, Bauang, Sto Tomas, Aringay, Tubao, Pugo, ken Rosario.
Nabalakadan met dagiti eskuwelaan nu mabalin da a mangipatungpal ti alternative mode of learning.
Kabayatanna, iti siyudad ti San Fernando ket saan a nangipaulog ti advisory seknan ti class suspension ita nga aldaw.
Immuna ti daytoy, nangirwar ti advisory ti Provincial Government of La Union, a mai-paima kadagiti local a gobyerno ti panag-suspinde ti klase ita nga aldaw ti Biyernes.
