Impaganetget ni Senador Francis “Kiko” Pangilinan a nasken a mailista ken mailawlawag iti publiko nu sadinno iti nagdturturongan iti tunggal pondo nga intukon iti gobierno para kadagiti flood-control projects ti pagilian.
Nagpanawagan isuna para ti komprehensibo, pang-napaot, ken sangkamaysa a national flood management plan, kabayatan iti agtultuloy a panaglayus ti adu a paset iti Metro Manila ken kabangibang a lugar gapo iti napapigsa a Habagat.
Segun kenni Pangilinan, saan nga umdas nu mano iti naitukon para ti maysa a flood control project. Rumbeng laeng kunana a mailawlawag nu anya dagiti proyekto a napondoan, sadinno iti pakaipasdekan da, mano iti nagastar, sino dagiti contractor, anya iti estado ti implementasyon, ken nu epektibo metlaeng nga agpayso dagitoy.
Impaganetget na a nasken a makita iti aktuwal a resulta dagiti proyekto kadagiti komunidad a pagserserbian da ken saan nga agtungpal kadagiti proyekto nga agingga laeng papel nga awan met iti pisikal a pakakitaan.
Innayon na a nasken ket ‘preventive,’ ‘science-based.’ ken ‘transparent’ ti national flood management plan, a maikonsidera iti epekto ti climate change ken dadduma pay nga environmental concerns, tapno saan laeng a nakadependir iti gobierno ti emergency response tunggal adda dagiti panagtudo.
