Impaganetget ni Department of Budget and Management (DBM) Secretary Kim Robert de Leon nga awan iti “leadership fund” babaen iti singasing a pondo inton sumaruno a tawen.
Ti waragawag ni de Leon ket kalpasan a damagen ni Caloocan City 2nd District Representative Edgar Erice, iti panagrugrugi ti deliberasyon iti P7.2-T 2027 National Budget iti kalman, aldaw ti Lunes, Agosto 17, nu naadal metlaeng dagiti proyekto ti Department of Public Works and Highways (DPWH) ken nu nakasuro metlaengen iti ahensya kadagiti kontrobersiya nga adda pakainaiganna kadagiti korap a flood control projects.
Immunan a nabasa iti judicial affidavit ni sigud a DPWH Secretary Manuel Bonoan ti aganay P500-M a pondo a nakaitukon iti tunggal sendor para kadagiti bukod da a priority projects.
Ngem para kenni kay de Leon, awan iti ammo da iti nasao nga alokasyon gappuanan da ad-adalen laeng iti DBM dagiti maisubmitir a singasing a pondo dagiti ahensiya.
Innayon na a suportado iti kumpleto a dokumentasyon iti tunggal proyekto ti DPWH a nakapauneg iti National Expenditure Program (NEP) wenno ti singasing a pondo iti administrasyon para inton tawen 2027.
