Impasangon iti House prosecution panel sadiay Senate impeachment court iti testimonya ti Anti-Money Laundering Coucil Executive Director Ronel Buenaventura tapno paneknekan ti mapapati a P319M manipud kadagiti kompanya nga adda idiay China iti naipatulod ti Cale88 Foods Corporation, nu sadinno ket 47.5% business interest ni Atty. Manases Carpio, asawa ni Bise Presidente Sara Duterte.
Segun kenni private prosecutor Atty. Mae Divinagracia, tallo kadagiti remittances iti impadamag ti bangko kas mapagduduaan gapo iti kaawan ti legal wenno trade obligation ken nalawag a pang-ekonomiya a panggep.
Kinuna pay iti prosekusyon nga aganay P4.5B iti simrek ken rimuar kadagiti 15 a korporasyon nga addaan interes kada Duterte ken Carpio manipud tawen 2022 agingga 2025, bayat a P4.4B met ti pakabuklan a covered ken suspicious transactions a direkta nga adda pakainaigan kadagiti agassawa manipud 2007 agingga 2025.
Usaren iti prosekusyon dagiti rekord ti AMLC tapno paneknekan dagiti alegasyon iti Article II ti impeachment case kontra kenni Duterte.
