BR LA UNION – Impasigurado ti lokal a gobierno ti San Juan, La Union a dumaldalan iti slaughterhouse ti amin a baboy a mailaklako iti merkado publiko ken tapno masiguro a maipaspasidong dagitoy iti inspeksiyon ken natalged nga ikonsumo dagiti umili.
Maipalagip a kinuna ti maysa a meat vendor iti San Juan Public Market a maysa kadigiti rason no apay nakapsot ti panaglakwan da ket gapu iti panagparti iti sumagmamano a hograisers iti ruar ti slaughterhouse ken merkado publiko.
Kas sungbat, segun kenni Harlene Fernandez, Municipal Agriculturist ti San Juan, amin a baboy iti ili ket maparparti iti slaughterhouse, karamanen dagiti mailaklako kadagiti barangay.
Inlawlawag ni Fernandez, maipaspasidong pay iti antemortem ken postmortem inspection dagiti baboy sakbay ken kalpasan a maparti tapno masiguro ti kasasaad dagitoy.
Innayonna pay, nga adda ti katulagan mainaig iti panaglako ti baboy dagiti hograiser kadagiti barangay da.
Iti sidong ti katulagan, no saan a mailako dagiti baboy da, mabalin nga agdesisyon dagiti hograiser nga ipaparti iti slaughterhouse.
Ngem sakbay nga ipa-partu, mangala dan ti ag-order manipud kadagiti karruba wenno kabarangayan da, ken iti barangay hall mismo a maisayangkat ti panaglako.
Intay dinggen iti panagsarita ni Harlene Fernandez, Municipal Agriculturist ti San Juan
Inlawlawag ni Fernandez a saan regular a maisaysayangkat ken saan nga inaldaw nga addaan aglaklako ti karne ti baboy kadagiti Barangay.
