Imbasura ti Court of Appeals (CA) iti apela ti sigud nga alkalde ti Bamban, Tarlac a ni Alice Guo a makaruar iti pagbaludan kalpasan a kunaen nga ilegal iti panagarestar kenkuana ti Bureau of Immigration (BI).
Iti seven-pages a desisyon ti sigud a First Division ti CA idi Oktubre 5, pinalagan ti korte iti argumento ni Guo ken inlawlawag a saan a BI iti agpapatalinaed kenkuana iti uneg ti pagbaludan.
Segun iti appellate court, nakabalud ni Guo maibasar iti joint decision nga impataw ti Pasig City Regional Trial Court Branch 167 gapu iti kaso a qualified human trafficking.
Innayon pay ti korte, awan ti aniaman nga ebidensya wenno umdas a basaran a mangipakpakita a panaglabsing maipapan iti karbengan na a pangkontitusyon.
Iti agdama, agtaltalinaed a nakadetene iti sigud nga alkalde iti Correctional Institution for Women idiay Ciudad ti Mandaluyong.
