Temporaryo a nawaya-wayaan iti beterano a journalist a ni Philip Lustre Jr. kalpasan a nagpiyansa ti ₱48,000.
Maipalagip nga inarestar dagiti otoridad ni Lustre ita nga aldaw, Oktubre 24, gaputi kaso a cyberlibel.
Inserbi dagiti otoridad ti warrant of arrest nga impaulog ti korte idiay Davao City kenni Lustre bayat ti panagdar-ay na iti maysa a forum idiay Quezon City.
Maibasar iti report, iti reklamo ket maipagarop nga adda pakainaiganna iti maysa a social media post ni Lustre seknan kenni Mans Carpio.
Nupay kasta, imbaga ti legal counsel na a ni Atty. Dino De Leon a saan da nga ammo nu siasino ti nagreklamo kontra kenni Lustre, ken awan ti naaw-awat da nga abiso wenno due process maipapan ti daytoy.
Plano da pay ti mangidatag ti motion to quash tapno ipawaswas ti arrest warrant.
Ni Lustre, 72-anyos, iti nangisurat ti libro a “Kill, Kill, Kill” maipapan iti drug war ni sigud a presidente Rodrigo Duterte.
