Adayo pay iti finish line ti impeachment proceedings kontra kenni Bise Presidente Sara Duterte.
Daytoy ti inlawlawag ni Palace Press Officer Undersecretary Claire Castro kalpasan ti pannakairuar ti sumagmamano a nagan a mabalin a mangsukat iti bise presidente no bilang ta maikkat daytoy babaen ti impeachment court.
Segun kenni Castro, saan pay a napagsasaritaan daytoy iti Malacañang kas panagraem iti Office of the Vice President.
Impaganetgetna a masapul nga umuna a maikkan ni Duterte iti gundaway nga agparang iti impeachment court ken sungbatanna dagiti darum kontra kenkuana.
Iti agdama, kinuna ni Castro a mas maitutop nga urayen ti resulta ken desision ti impeachment proceedings sakbay a mapagsasaritaan ti banag ti posible a pannakasukat ti bise presidente.
