Pinasingkedan ni US President Donald Trump ti pannakaisayangkat ti inawagan na a minor strikes ti militar ti Estados Unidos kontra iti air defense system ti Iran iti Qeshm Island, iti asideg ti Strait of Hormuz.
Impadamag met ti state media ti Iran ti pannakaraut iti lugar ti Suza. kagiddan iti daytoy, kinuna ti militar ti Iran a naparmek ken napatinnagda ti maysa nga American MQ-9 drone iti nasao nga isla.
Segun iti US Central Command (CENTCOM), agtalinaed a natalged ti kasasaad, ngem saan daytoy a nangited ti kanayonan a detalye maipapan iti insidente.
Kabayatanna, nangitukon ti CENTCOM iti agingga iti $20 milion a gunggona ken posible a relokasyon para iti asinoman a makaipaay iti impormasion maipapan iti nuclear program ti Iran ken dagiti sientistana.
Iti laksid ti tension, impaganetget ni Trump nga agtultuloy ti saritaan ti administrasionna iti Tehran ken addan ti dakkel a panagrang-ay iti negosasion.
Kontra met ti gobierno ti Qatar dagiti report a napaay ti saritaan ti dua a pagilian. Segun ken ni Qatari Prime Minister Sheikh Mohammed bin Abdulrahman Al Thani, agtultuloy daytoy a makikokoordinar iti Washington ken Tehran tapno malapdan ti panagkaro ti krisis.
Kabayatanna, agtalinaed a nakasagana dagiti tropa ken warships ti Estados Unidos iti Middle East no bilang ta agbilin ni Trump ti dakdakkel nga operasion militar.
