Kinuwestiyon ni Senador Panfilo Lacson ti 241 billion pesos a nailatang para iti nadumaduma a programa ti tulong iti naisingasing a 2027 national budget, gapu ta kunana a saan nga umdas daytoy a klase ti panaggastos tapnu parang-ayen ti ekonomia ti pagilian.

Segun kenni Lacson, nasaysayaat nga ipangruna dagiti produktibo a panagpuonan imbes a dagiti agsina a programa ti ayuda ken ti pannakaibangon dagiti multipurpose buildings.

Nababbaba daytoy a gatad ngem ti 263 bilion a pisos a nailatang para kadagiti kapada a programa iti bersion ti Kamara.

Dinakamat pay ti senador ti panagbannayat ti panagdur-as ti ekonomia iti 2.1 porsiento iti maikatlo a kuarter ti 2026, manipud iti 2.4 a porsiento iti maikadua a kuarter, idinto a ngimmato ti inflation rate iti 7.8 porsiento idi Oktubre.