LA UNION – Mangisayangkat ti regular deployment dagiti barko ken eroplano ti Armed Forces of the Philippines idiay West Philippine Sea.
Para daytoy iti regular a panangisayangkat ti Maritime ken aerial patrol ti Puwersa Armada ti Pilipinas iti nasao a lugar iti tengnga ti ipat-patungpal a unilateral fishing ban ti China.
Segun kenni AFP Spokesperson, Col. Francel Margareth Padilla, nairanta daytoy tapno siguradwen ti kinatalged ken seguridad dagiti Pilipino a mangngalap nga agtur-turong idiay West Philippine Sea.
Maipalagip nga immunan nga impaganetget ti AFP a saanna a bigbigen iti baro a pronouncement ti China seknan iti impatungpal na a fishing moratorium idiay WPS a nagbalin nga epektibo idi Mayo 1, 2024 nga agpaut agingga Setyembre 16, 2024.
Kagiddan iti nainget a panangkondinar ket impaganetget ni Padilla a ti nasao nga addang ti China ket maysa a dackel a panaglabsing iti Maritime claims ti pagilian iti sidong ti United Nations Convention on the Law of the Sea ken iti 2016 Arbitral decision.
