LA UNION – Naikkat wenno na-decommission babaen ti Philippine Atmospheric, Geophysical and Astronomical Services Administration (PAGASA) iti nagan nga “Aghon” iti listaan dagiti bagyo ditoy pagilian.
Kasaruno daytoy iti imbati ti bagyo a damyos kadagiti mula ken imprastraktura iti nasurok P1 bilyon.
Maibasar iti allagaden ti PAG-ASA, saan dan nga uliten ken ikkaten dan iti nagan ti bagyo nu daytoy ket nangibati ti 300 a tattao a natay ken nu iti damyos iti agrikultura ken imprastraktura ket umabot ti P1-B.
Maipalagip a nagbalin a tropical depression manipud low pressure area iti bagyo iti kabaybayan a paset idiay Mindano idi Mayo 24.
Nag-landfall daytoy ti namin- siyam a daras idiay parte na ti Visayas ken Southern Luzon ken rimuar iti Philippine Area of responsibility idi Mayo 29.
Daytoy iti umuna ken maudi a pannaka-usar ti nagan nga Aghon kalpasan a nasukatan idi ti nagan nga Ambo a nag-retiro idi Mayo 2020 kalpasan a nangibati ti damyos a P1.5-B.
