Rinaem ni Speaker Ferdinand Martin Romualdez iti ballaygi a biyahe ni President Ferdinand R. Marcos Jr. idiay Brunei ken Singapore ket naidanon na iti sangalubongan a silulukat iti Pilipinas para iti panag-negosyo ken iti takder na iti West Philippine Sea (WPS).
Kabilang ni Speaker Romualdez kadagiti panagtataripnong a dinar-ayan ni President Marcos idiay Bandar Seri Begawan ket napirmaan iti sumagmamano a katulagan, nangruna iti panangpa-tibker ti relasyon ti Brunei ken Pilipinas.
Kabilang dagiti napirmaan iti tallo a katulagan wenno memorandum of understanding iti turismo, agpada a panang-bigbig iti Standards of Training, Certification and Watchkeeping (STCW) certificates; ken panang-patibker iti maritime cooperation.
Maysa a Letter of Intent iti nabukel tapno pasingkedan ti immunan a katulagan maipapan iti food security ken kooperasyon iti sektor ti agrikultura iti baetan ti dua a pagilian.
Kinuna ni Speaker Romualdez a pagnumaran dagiti Pilipino iti katulagan a napirmaan iti panag bisita ti Presidente .
Naisayangkat pay iti Philippine Business Forum ket napirmaan iti maysa a memorandum of understanding iti baetan dagiti ASEAN Business Advisory Council – Philippines and Brunei, National Chamber of Commerce and Industry of Brunei Darussalam (NCCI), ken Philippine Chamber of Commerce and Industry (PCCI).
Addaan tarigagay ti nasao a katulagan a papigsaen iti kalakalan iti baetan ti dua a pagilian ken mangilukat kadagiti baro nga oportunidad para iti panagpuonan.
Ni Speaker Romualdez ket karaman iti delegasyon ni President Marcos iti Shangri-La Dialogue.
Ni Presidente Marcos iti kaunaan a lider ti Pilipinas a nagbalin a keynote speaker iti nasao a kangrunaan a defense forum iti Asia.
Rinaem pay ni Speaker Romualdez iti natibker a pangngeddeng ni Presidente Marcos a suruten ti international law, partikular iti 1982 United Nations Convention on the Law of the Sea (UNCLOS) ken 2016 Arbitral Award a nangideklara a ti Pilipinas ti akin-sakop iti West Philippine Sea.
