LA UNION – Nagpakdaar ita ni PCI Joel Lagto kadagiti assawa kasaruno ti pannakatiliw ti maysa a mister gapu iti agdadata a panangkabkabilna iti misisna.
Iti pannakiuman ti Bombo Radyo ken ni Lagto, hepe ti Bauang Police Station, kinunana nga awan ti karbengan dagiti lallaki a mangdangran iti asawada gapu iti sinapataanda a kari iti sanguanan ti linteg ken Simbaan.
Malaksid iti daytoy, dakdakkel nga asunto ken makaapektar laeng iti sibubukel a pamilia ken dagiti annak no adda ti tumpuar a nakaro a susik iti nagbaetan dagiti agassawa.
Maipalagip a natiliw ti managan Servillano Aromin Mamitag, 50-anyos, gapu iti panangkabkabilna iti asawana iti sango dagiti annakda ken iti publiko.
