LA UNION – Im-imbestigaran dagiti otoridad ti Bauang Police Station iti dua nga insidente ti Basag Kotse .
Iti umuna a kaso ket napasamak iti parking space ti maysa a restaurant idiay Barangay Quinavite, Bauang.
Iti pinuntirya dagiti saan pay a nabigbig a suspek ket maysa a toyota fortuner, kukua ti maysa a doktor manipud Barangay Bariquir Nagullian, La Union.
Naamwan a nabettak iti tawa ti kotse, partikukar iti driver side, ken intaray dagiti suspek ti dua a laptop ken nagduduma nga Ids.
Iti maikadwa a kaso ket napasamak iti maysa a resto bar idiay Pagdalagan Sur ti nasao met laeng nga ili, ket nabiktima iti maysa nga architect a residente iti Barangay Sevilla ditoy siyudad ti San Fernando.
Tinakaw dagiti suspek manipud iti uneg ti Land Cruiser iti cash money nga umabot ti aganay 300,000.00 ken napapateg a dokumento.
Maibasar iti inisyal nga imbestigasyon dagiti otoridad, agparparang a dua nga agkalubbon ti motorsiklo dagiti suspek a nangbittak ti makinkannigid a tawa ti kotse ti architect.
Mainaig ti daytoy, nagballaag dagiti otoridad a liklikan ti agibati kadagiti nabalor nga alikamen ken dackel a kantidad ti kuwarta iti uneg ti lugan ken dagus nga ipakaammo kadagiti otoridad nu adda dagiti kapada a pasamak.
Maibasar pay iti report ti Bauang Police Station, posible a dagiti suspek ti panagtakawan diyo siyudad ket isuda met laeng dagiti adda ti likudan ti basag kotse idiay ili ti Bauang.
