LA UNION – Maysa nga aldaw kalpasan ti makalawas a bakasyon iti pannakalagip ti Semana Santa, agtultuloy a dop-dopodopen dagiti tattao nga agsubli idiay Metro Manila, iti Viron Transit Terminal ditoy siyudad ti San Fernando.
Iti interview ti Bombo Radyo La Union kenni Onicimo Macaso, officer-in-charge iti Viron Transit, kinuna na nga iti kaadu dagiti pasaheros ket naka-fully book aminen agingga Abril 24 dagiti lima a bus unit dagitoy nga agbiyahe iti rabii, manipud alas 5:00 ti malem agingga alas 10:00 ti rabii.
Segun kenni Macaso, ikag-kagumaan da nga ilugan amin a pasaheros nga agturong iti terminal dagitoy.
Iti capacity iti maysa a unit ti viron bus ket 45 a tattao.
Kinuna na pay nga agtalatalinaed a point-to-point iti biyahe ken kasapolan a mangiparang iti vaccine card dagiti pasaheros malaksid dagiti ubbing nga agtawen ti 5 agpababa.
