LA UNION – Pinatawan ti kagudwa tawen a suspensyon ti Office of the Ombudsman da Bohol Governor Erico Aumentado, dagiti opisyal ti lokal a gobyerno, national officials nga adda iti sidong ti The Department of Environment and Natural Resources (DENR), Department of Agriculture (DA), Department of Science and Technology (DOST), Philippine National Police (PNP) ken Office of Civil Defense (OCD).
Agraman pay a nasuspinde dagiti barangay captains a mangsak-sakop iti area ti Chocolate Hills.
Maipalagip a timpuar ti isyu idi nag-viral dagiti ladawan ti maysa a resort iti sakaanan ti Chocolate Hills nga indeklara ti UNESCO kas protected area.
Naamwan nga uray adda naiyisyu a closure order iti resort ket nagtuloy latta ti operasyon daytoy.
Kabayatanna, siniguro ni Aumentado nga agtultuloy a tumulong kadagiti kailyanna laksid a nasuspinde daytoy.
