LA UNION – Nagbalin a narimat iti naisayangkat a closing ceremony ti 19th Asian Games idiay Hangzhou, China idi Domingo, Oktubre 8.
Personal a nagbuya ni Chinese primier Li Qiang iti closing ceremony a naisayangkat iti Hangzhou Olympic Sports Centre Stadium, a napunno iti agbuy-buya.
Nakasuot iti narimat ken nasilap a kawes dagiti performers.
Kagiddan iti panagrikep ti 19th Asian Games iti panangawat ti Nagoya City, Japan iti panag-host na ti Asian Games inton September 19 to October 4, 2026.
Maipalagip a maysa tawen a naitantan iti Asian Games idi 2022 gaputi COVID-19 pandemic.
Naartapan ti host country a China iti nagun-od a gold ti Japan idi 2010 Guangzhou Games, a 199 kumpara ita a 201.
Iti final medal standing, simmegundo iti top spot a China iti Japan a nakaiyawid ti 188 medals (with 52 gold, 67 silver, and 69 bronze), ken maikatlo iti South Korea nga addaan pakabuklan a 190 medals (a buklen ti 42 gold, 59 silver, ken 89 bronze).
Bayat a ti Pilipinas ket adda iti maika-17 a puwesto iti pinal a medal standing, babaen iti nagun-od na nga 18 medals, a buklen ti 4-gold, 2-silver, ken 12-bronze medals.
Pakabuklan a 13 a world records, 26 nga Asian records ken 97 Games records iti na-break iti nasao a torneyo, segun kenni Olympic Council of Asia acting director general Vinod Kumar Tiwari.
Nasurok a 12,000 athletes manipud iti 45 member-nation iti Olympic Council of Asia iti nakipaset iti 19th Asian Games, a naisayangkat idiay Hangzhou, People’s Republic of China manipud September 23 agingga October 8, 2023.
