LA UNION – Nagpanawagan iti Commission on Elections kadagiti indibiduwal a naikkat ti naganna iti voters list nga agpa reactivate tapno makabotos iti maisayangkat a 2025 Midterm Elections.
Iti maysa a waragawag, imbaga ni COMELEC Chair George Erwin Garcia, bumisita laeng iti kaasetgan a Local Election Offices tapno agpailista.
Segun kenni Garcia, mabalinen ti agpa-reactivate ti status iti poll body babaen ti online ti komisyon.
Tapno nabibiit ket bumisita iti website tapno maamwan iti proseso nu kasatnu ti agpa-reactivate iti Voter Registration.
Inlawlawag ti opisyal nga awanen iti maaramid a biometric ken fingerprint agsipudta adda metten ti datos iti poll body.
Maipalagip nga umabot iti aganay uppat a milyon a botante a Pilipino iti inikkat ti ahensya iti listaan dagitoy agsipudta saan da a nakabotos ti dua a nagsatruno nga eleksiyon.
