Inyanunsyo ti Department of Agriculture (DA) a temporario da paylaeng nga ipawil ti panagpastrek kadagiti maangkat nga domestic ken wild chickens manipud Maryland ken Missouri, USA.
Daitoy nga addang ket paset ti tarigagay a lapdan ti panagwaras ti H5N1 highly pathogenic avian influenza (HPAI) a nabiit pay a naipadamag a napartak nga agsaksaknap sadiay.
Karaman kadagiti maiparit ket dagiti produkto ti karne, itlog, dagiti piyyek, ken semen manipud iti ayup manipud kadagiti nasao nga estado.
Segun kenni Agriculture Secretary Francisco Tiu Laurel Jr., ti napartak a panag-adu ti kaso ti bird flu idiay US ket manipud idi immuna a mapasingkedan ken kinasapulan a maikkan ti atensyon ti nu kasta ket malapdan ti panagwaras agingga ditoy PIlipinas.
Innayon pay ti ahensya nga ti umuna nga outbreak ket nadiskubre idiay Maryland idi Enero 14 ken nagwaras idiay Missouri kadagiti 13.2 a billit.
Iti agdama, mapatta-patta a dumanon ti agingga 145 million a manok ti na-culled idiay US tapno lapdan ti panagwaras ti virus kadagiti ayup ken uray iti tao.
Babaen ti memorandum order no. 7, panggep a masalakniban dagiti manok ditoy Pilipinas, kasta met a lapdan dagiti panangiparuar ti sanitary ken phytosanitary import clearance para kadagiti kapada a produkto mainpud Maryland ken Missouri.
Nupay kasta, dagiti kargamento a paumayen ken kadagiti nakasangpeten kadagiti sangladan, basta poultry products ket maharang ken madadael.
idi napalabas a lawas, impatungpal payen ti DA ti panangiparit ti panagangkat idiay South Dakota, ken sumagmamano a paset ti New Zealand gapo iti nagsina a kaso ti outbreak iti avian influenza.
