Pinasingkedan ni Senator Ronald “Bato” Dela Rosa ti plano na a kumiddaw ti tulong manipud iti Korte Suprema apaman maisyuhan isuna ti arrest warrant ti International Criminal Court (ICC).
Ngem nu kinuna ti korte a kasapulan na iti maipasidong iti kustodiya ti ICC, awanen ti maaramidan daitoy.
Nu met iti Korte Suprema ti nangibaga nga awan ti hurisdiksiyon ti ICC ditoy pagilian, amin nga orders ket awan ti bileg na ken saan a dapat a suruten dagiti kapulisan ken gobierno ti Pilipinas.
Impunto met ti Senador ken sigud a Philippine National Police (PNP) chief nga awan ti police force ti International Criminal Police Organization (Interpol) ken kasapulan pay daitoy ti tulong ti Philippine National Police tapno maipatungpal ti aniaman nga arrest warrant manipud ICC.
Immuna metten a pinasingkedan ti agdama nga administrasyon a committed ti Pilipinas kadagiti obligasyon da iti Interpol a mabalin nga i-tap ti ICC tapno maitantdudo ti aniaman nga maisyu daitoy nga arrest warrant.
