BR LA UNION – Nainget a pinaglibakan dagiti nangidatag ti kaso kontra kenni House Speaker Martin Romualdez, iti alegasyon a ‘diversionary tactic’ laeng ti indatag da a kaso iti opisina ti Ombudsman.
Inlawlawag daytoy mismo ni Davao del Norte, 1st District Representative Pantaleon Alvarez kalpasan a nasalodsod nu apay nga ita laeng nga inaramid da daytoy, kagiddan ti isyu iti kaso nga impeachment ni Vice President Sara Duterte.
Impaganetget na, iti panangidatag da ti kaso a kriminal ken kurapsyon kontra kenni Speaker Romualdez ket saan a tapno ibaw-ing ti atensyon ti publiko nudiket daytoy ti immun-una nga isyu .
Inlawlawag ni Alvarez, nga awan ti timing iti panangidatag ti criminal case, ngem ketdi, adda ti timing iti panangaramid ti krimen.
Kinuna met ni Atty. Ferdinand Topacio a maysa kadagiti nangidatag ti kaso, pinanunot da a naimbag daytoy agsipudta ibilang da a kumplikado ti kaso nga indatag da ita nga aldaw.
