Dua a Chinese passengers ti natiliw sadiay Ninoy Aquino International Airport Terminal 1 kalpasan a nangipresenta da iti peke a visa.
Binigbig ti BI dagitoy a da Wang Dingku, 31-anyos, ken Su Zhengkun, 25-anyos.
Segun iti ahensia, ginandat da Dingku ken Zhengkun ti pumanaw ditoy pagilian nga agturong idiay Bangkok, Thailand.
Kinunana nga adda pay awit dagiti nadakamat a pasahero a sumagmamano a peke a dokumento para iti panagdisso da sadiay Bangkok.
Naipila ti reklamo kontra kadagiti dua gapu iti panaglabsingda iti Philippine Immigration Act.
Agtaltalinaed dagiti dua iti BI holding facility sadiay Camp Bagong Diwa, Taguig City kabayatan ti pannakaproseso ti pannakaideportada.
