Pinaneknekan dagiti sigud a benepisyaryo ti Pantawid Pamilyang Pilipino Program (4Ps) a kabaelan da a sukatan ti suporta ti gobierno, determinasyon, ken taray iti biag da gapo iti umadanin a panagsapata da a kas baro nga abogado.
Dimmakkel iti 4Ps da Golda Meir Piñon ken Lea Leonen Rivera nga itan ket agpada a nakapasa ti bar examinations ken pormal ton a sumrek iti propesyon ti abogasya.
Kinuna iti soon-to-be Attorney a ni Piñon, a sigud a monitored child ti 4Ps, ti panagbalin nga abogado ket nagtaud iti manu a tawen a sakripisyo laksid iti rigat ti biag.
Inladawan na ti 4Ps a dakkel a tulong para kadagiti pagkaspulan ti pamilya da ken tapno maipamaysa na iti panagadal.
Inbinglay na pay a laksid ti rigat ket nagtalinaed isuna a nasinged iti panagadal ken kamaudianan ket nagbalin a scholar ti Expanded Students Grants-in-Aid Program for Poverty Alleviation (ESGP-PA) nga isu metten iti nangalaan na ti pinagturpos na ti kolehiyo.
Kabayatanna, saan met laeng a nalaka ti naglabasan ti soon-to-be Attorney a ni Rivera. Kas inunaan kadagiti tallo nga agkakabsat ken kangrunaan a breadwinner ti pamilya da, kinasapulan na a paggiddanen ti law school ken trabaho kas maestra ken ti panagbalin nga call center agent.
Segun kenni Rivera, ti balligi ket tulong metlaeng ti 4Ps ken dadduma pay a programa nga immalalay iti panagadal na laksid ti kinakurang ti kapital.
