LA UNION – Pormal nga indeklara ti Philippine Atmospheric, Geophysical and Astronomical Services Administration (PAGASA) a nalpasen iti El Niño phenomenom.
Segun iti PAGASA, nakita da a nagsublin iti normal iti tropical part ti Pacific Ocean.
Ngem numan pay kasta, mapadasan latta iti epekto daytoy iti dadduma a paset ti pagilian.
Posible latta nga agtultuloy iti sumagmamano nga epekto ti El Nino kas iti nabara a temperatura ken sagpaminsan a panagtudo.
Posible iti transisyon ti El Niño agturong iti La Niña agingga bulan ti Hulyo.
Maipalagip nga idi Mayo 29 ket inyanunsiyo ti PAGASA iti pormal a panagrugi ti panagtudtudo ditoy pagilian.
Namnamaen nga adda ti 13 agingga 16 a bagyo a sumrek iti pagilian, ket immunan a dimmuprak iti bagyo “Aghon” idi Mayo 24-29 a nakatayan ti innem a tattao ken nasurok P1-bilyon ti perdisyon iti agrikultura ken imprastraktura.
