Panggep a makumpleto iti maikadua a quarter ti distribusyon ti fuel subsidy para kadagiti tsuper ken operators ti public utility vehicle (PUV), karaman dagiti tricycle driver ken delivery rider.
Segun kenni Department of Transportation Undersecretary Jesus Ortega, adda pakabuklan nga 1,026,306 beneficiaries ti target a maipaayan ti assistance.
Maaramid kunana daitoy babaen ti memorandum of agreement kadwa ti Land Transportation Franchising and Regulatory Board (LTFRB) para kadagiti PUV.
Makadwa met ti DOTr ti Department of Interior and Local Government (DILG) para iti istribusyo dagiti assistance kagiti tricycle drivers ken ti Department of Information and Communications Technology (DICT) para met kadagiti delivery rider.
Babaen ti nagakadwa a panagtitinnulong ti DILG, DICT, ken LTFRB, manamnama a mapalag-an ti panagberipikarken finalization ti account details ti amin nga benepisyaryo.
Ti nasurok maysa milyon a benepisyaryo ket buklen dagiti 286,306 PUV drivers and operators, 600,000 tricycle drivers, ken 140,000 delivery service riders.
Makaawat dagiti UV Express drivers ti P10,500 tunggal maysa bayat nga P5,000 ti nakatukon para kadagiti tsuper ti traditional jeep, traditional UV Express, minibus, public utility bus, ken Filcab.
Dagiti drivers ti tourist transport services, shuttle services, school transport, TNVS, ken taxi ket makaawat met ti tig-P4,500.
Para kadagiti tricycle drivers, makaawat dagitoy ti tig-P1,100 ken P2,500 met para kadagiti delivery riders.
