Agtataripnong ita nga aldaw dagiti miyembro ti House Committee on Good Government and Public Accountability a pagaammo pay kas House Blue Ribbon Committee.
Segun iti chairman ti Komite a ni Manila 3rd District Rep. Joel Chua, siguraduen da ti panangipalpas ti imbestigasyon mainaig iti mapagduaduaan a panaggastos ti ₱612.5M confidential funds ti Office of the Vice President (OVP) ken Department of Education (DepEd) iti sidong ni Vice President Sara Duterte.
Kinuna ni Chua a target da a palpasen ti imbestigasyon sakbay ti panagrugi ti proseso ti impeachment ti Bise Presidente.
Inlawlawag ni Chua nga apaman matuloy ti impeachment process ket baybay-an da lattan a idiay nga sungbatan ni Bise Presidente Sara Duterte dagiti amin a damage maibusor kenkuana.
Innayon pay ti Representante a saanen nga ipatawag ti Komite ti dua a security officer ni VP Duterte nga immawat ti confidential funds gapo ta maimbestigaranen dagitoy iti liderato ti Armed Forces of the Philippines (AFP).
