LA UNION – Natay iti innem a mangngalap kalpasan a bimtak ken mauram iti nagluganan dagitoy a motorbanca idiay Naga City, probinsiya ti Cebu.
Segun iti Philippine Coast Guard, innem met a mangngalap iti naisalbar da, ngem maysa iti kritikal ti kondisyon na.
Nakita ti maysa a cargo vessels iti napasamak ken isuda metten ti timmawag ken nangipaka-ammo iti Philippine Coast Guard.
Nasebseban iti apoy kalpasan iti sumagmamano nga oras.
Segun kenni Petty Officer 1st Class Joel Baring, commander ti Naga City Coast Guard Sub-station a naggapo idiay Guilutugan island idiay Masbate iti bangka idi Hunyo 2 ken agturong da koma idiay Cebu tapno agkalap ngem maysa kadagiti dua a makina ti motorbanca ket nadadael.
Kabayatanna, pinaglibakan iti boat captain a ni Mark Anthony Sullano, nga adda imet da a dinamita ken pagpa-bettak.
Sim-giyab iti bangka babaen ti tugot dagitoy krudo, ken nauram pay iti dadduma nga arwaten dagitoy a pagkalap ken maysa a tangke ti liquefied petroleum gas.
Agtultuloy ti imbestigasyon dagiti otoridad tapno amwen ti pagkasunog.
