LA UNION – Nakatuding nga agtaripnong ita a bulan da Speaker Martin Romualdez ken Senate President Chiz Escudero tapno plantsaen iti anyaman a saan a panagkinnawatan ti dua a chamber.
Rinugyanen ti House of Representatives ken Senado iti koordinasyon para iti legislative priorities, sakbay iti maikatlo ken maudi a regular a sesyon ti 19th Congress.
Kinuna ni Speaker Romualdez, naaddaan da ti panawen kenni Escudero nga agsarita, ket immuna a natalantan dagitoy iti common legislative agenda .
Kinuna ni Romualdez, agkita da nga umuna kenni Senate President Escudero sakbay iti LEDAC meeting, iti maikatlo a lawas ita a bulan.
Segun iti House Speaker, ammo ni Escudero ken dadduma pay a baro a lider idiay Senado a naipasan ti Kamara iti amin a priority measures ni President Ferdinand Marcos Jr. ken Legislative-Executive Development Advisory Council (LEDAC).
